India tan Remsiami feh chhuak

Khawvel ram hrang hrang zinga hockey thiam zual inelna - Women's FIH Pro League 2021–22 hmachhawn turin, Mizo nula Lalremsiami Hmar chu India tan a feh chhuak.

Nimin khan India aṭangin inelna neihna tur hmun Belgium an pan. June 11, Inrinni hian Belgium rama stadium pakhat Wilrijkse Plein Antwerp-ah a thlengtu nen hian an inhmachhawn ang.

Kolasib nula Remsiami chuan, "Inbuatsaihna kan nei ṭha, theihtawp kan chhuah ang. Mizo mipui te min lo ṭawngṭai pui leh turin ka sawm," tiin Vanglaini a hrilh.

Tournament hi nikum aṭanga khelh ṭan tawh kha a ni a, kumina khelh zawh tur a ni. Ram pakua te chu an inkhel kual a, anmahni khelmual leh khualmualah an inhmachhawn kual.

India hian match riat an khelh tawhah point 22 neiin pathumna an ni mek a, table-ah pathumnaah an awm a ni.