PM Modi-a'n Shimla-ah rally a nei

Prime minister Narendra Modi chu nimin khan Himachal Pradesh khawpui, Shimla-ah rally nei turin a kal a, Pradhan Mantri Kisan Samman Nidhi (PM-KISAN) scheme hnuaia 11th instalment, Rs vbc 21,000 pechhuakin virtual hmangin central scheme hrang hranga beneficiary-te hun a hmanpui bawk.

Central-a BJP kaihhruai sorkarin May 30-a kum riat a tlin lawmna pualin rally hi Shimla-a Ridge Maidan-ah chawhma dar 11.30-ah a nei a, chief minister Jai Ram Thakur-a'n a ṭawiawm.

Modi hian nikum December 27 khan Himachal Pradesh hi a lo tlawh tawh a, CM Thakur-a home district, Mandi-ah Himachal-a BJP sorkar kum lina lawmna pualin rally a lo nei tawh bawk a ni.

PM-KISAN scheme hi kum 2019 khan PM Modi hian a hawng a, he scheme hi ram chhunga hmun hrang hranga loneitute tana siam niin, kum khatah Rs 6,000 pek an ni a, hei hi instalment vawi thum, Rs 2,000 zelin pek an ni ṭhin.