Lunglei Fight Night ; A hmawr an bawk dawn ta

Lunglei District Boxing Association buatsaih CK Hundai Lunglei Fight Night chu zanin hian a hmawr bawk a ni dawn. Inhnek hi media partner Zonet JB kaltlangin Zonet Rinhim leh YouTube-ah a en theih ang.

Fight Night-ah hian bxoer 65 an tel a, category hi Sub. Junior Boys category pathum bakah Junior boys category pahnih leh senior men's category paliah te ṭhen a ni. Sub Junior leh Junior category final hi khelh zawh a ni tawh.

Sub Junior-ah LH Vanneihtluanga, College Veng (30-34kg), Zonunsanga, Theiriat (34-38kg) leh J. Vanlalruatfela, Rahsi Veng (42-49kg) te an champion tawh a, Junior-ah Emmanuel Lalhriatrenga, Chanmari (48-52kg) leh Lalhruaitluanga, Model Veng Hnahthial (52-56kg) te an champion tawh bawk.

Zanin hian senior men's category final a awm ang a, bout pali a awm ang. Fight Night-ah hian Boxing Federation of India leh International Amateur Boxing Federation (BFI/IABF) rules hman a ni a, Mizoram chhim lama boxer ṭha rual State Level mai bakah North East Level, National Level leh International Level thlenga inlan tawhte an inlan avangin inelna pawhin ngaihhlut a hlawh hle.

Zanin hian senior men's category final a awm ang.
Inhmachhawn turte chu

45-51 kg
F. Lalhruaitluanga, Lunglei vs HC Lalnunmawia, Zohnuai

51-57 kg
Franky H. Vanlalruatpuia, Lunglei vs Lalruatfela, Lunglei

57-65 kg
Saidingliana Sailo, Lunglei vs Laldinsanga, Lunglei

65-75 kg
Lalnunzira, Haulawng Vs PC Remruatdika, Lunglei