Arsenal-in pawisa hman tur nei dawn?

Champions League an khel phak lo a nih pawhin Arsenal chuan bazarna tur pawisa an nei dawn tho. English chanchinbu The Telegraph-in tarlan dan chuan Mikel Arteta hian a squad a thuam chak ngei dawn.

Premier League table-a pangana Gunners tan UCL beiseina a thamral tluk a ni tawh, season tawp niah Everton hneh pawh ni se, inkhel dangah Tottenham chu Norwich City lakah an tlawm a nih ngawt loh chuan kawng a ping tawh.

North London club hian striker an melh - an neihsa Eddie Nketiah leh Alexandre Lacazette te chu chhuak tura ngaih an ni. Manchester City hmatawng Gabriel Jesus bakah Jonathan David, Tammy Abraham, Dominic Calvert-Lewin leh Moussa Dembele te an ngaihven.

Striker bakah midfield pawh thuam chak ngei an tum. Youri Tielemans, Ruben Neves leh Florian Grillitsch te nen sawizawm a ni a, defender Aaron Hickey nen pawh an inhnimhnai tawh hle nia tarlan a ni.

Nipui bazarah hmasaah pawh Gunners hian sum an hmang hnem, mahse thlasik bazara player an lakluh loh avangin season chawhnu lamah an tuar. UCL an khel lo a nih pawhin Europa League chu an khel dawn, club thuneitu lam thlawpna chu an mamawh dawn.