Hawks hnehin Heat an tlang

Miami Heat chuan nimin zing khan Atlanta Hawks 97-94 in an hneh. Heat hian NBA conference semifinal an lut, best of seven series chu 4-1 in an la. Philadelphia 76ers leh Toronto Raptors inkhela chak zawk nen an inhmachhawn leh ang.

Miami hian hliam vangin Jimmy Butler leh Kyle Lowry te an chhawr thei lo, an player pawimawh an awm loh avangin basket venhim chu hna pawimawh leh ngaihpawimawh zawkah an nei a, an tum a hlawhtling ta a ni.

Hnehna an chan theih nan Victor Oladipo (23 points) leh Bam Adebayo (20) te an khel ṭha, player mala point nei hnem fal awm lo mah se midang pathumin point 10 an nei tling ve bawk a, thawhhona ṭha chu an chakna hnar a ni.

NBA Playoff
Nimin Inkhel Results
Atlanta Hawks 94 - 97 Miami Heat
(Heat hian series chu 4-1 in an la)
Minnesota Timberwolves 109 - 111 Memphis Grizzlies
(Memphis hian series-ah 3-2 in hma an hruai)
New Orleans Pelicans 97 - 112 Phoenix Suns
(Suns hian series-ah 3-2 in hma an hruai)