Vawi 30 chak thei Warriors

Golden State Warriors chuan NBA regular season kal meka an vawi 30 chakna ni turin Denver Nuggets chu 127-119 in an hneh a, Western Conference hmahruaitu an nih chhunzawm zel.

Nimin zing inkhelah Golden State tan Draymond Green chuan point 15 a score bakah assists vawi 13 neiin rebounds vawi 10 a la bawk. MVP Stephen Curry-a'n court chhungah minute 35 hun a hman chhungin point 22 a score bawk a, Kevin Durant (21) leh Klay Thompson (25) ten an thawh hlawk hle bawk a ni.

Warriors hian match 34 an khelh aṭanga vawi 29 hnehna chang chungin kum 2016 an thlah liam a, hei hi NBA chanchina chak hnem record ṭha ber a ni. Kum 2017-a an match hmasa berah pawh an chak boruak ṭha chhawmnung zelin hnehna an chang lehnghal - Ningani zing dar 9:00-ah Trail Blazers an hmachhawn leh ang.