Olympic vawi nga cham-pion Missy Franklin a chawl

London Olympic 2012-a kum 17 mi lek nia goal medal pali latu Missy Franklin chuan kum 23 lek mi niin swimming inelnaa aṭanga a chawlh thu a puang.

Franklin hi American hmeichhe zinga Olympic pakhata gold pali la thei hmasa ber a nih avangin a hnampui Michael Phelps angin tuihleuh a thunun theih beisei a ni a. 2013 World Aquatics Championships-ah Franklin hian gold paruk zet a lak avangin rinlawkna hi a dik tura ngaih a ni a, amaherawhchu inhliam vanga a buai chhoh tak avangin Rio Olympic 2016-ah gold pakhat chiah a la.

Nimin khan a chawlh thu puangin Franklin chuan, “Ka chawl ta tih sawi thu sawi tur hian hun ka duh rei khawp mai. Amaherawhchu tunah chuan chawl turin ka inpeih a, ngaihtuah let pawh ni ila na tur ka awm tawh lo. Pasal neia fa nei turin ka inpeih a, nitina puitling lam zawh turin inzir zel dawn a, entawn tlaka nun ka tum dawn an ni,” tiin a sawi.

Rio-a gold pakhat chauh an lak ṭum pawh sawi langin Franklin chuan, “Ni riat chhung ka thil paltlang kha, ka thil paltlang tawh zinga khirh khan ber a tling. Taksa leh rilru lamah harsatna tam tak ka tawk a, ka dar na vangin midang el tura training ka hmachhawn apiangin depression te neiin ka helh hawlh ṭhin a, zan mut thlengin harsatna ka tawk. Tunah chuan ka chunga thil thleng hi ka pawm thlap a, chawl hahdam turin ka rilru ka siam fel e,” tiin a hun tawn khirh tak a sawi lang.

Franklin-i Sulhnu
Olympic
2016 - Rio
Gold 4x200m freestyle relay
2012 - London
Gold 100 m backstroke
Gold 200 m backstroke
Gold 4×200 m freestyle
Gold 4×100 m medley
Bronze Third place
World Championships
2011 Shanghai
Gold 200 m backstroke
Gold 4×200 m freestyle
Gold 4×100 m medley
Silver 4×100 m freestyle
Bronze 50 m backstroke
2013 Barcelona
Gold 100 m backstroke
Gold 200 m backstroke
Gold 200 m freestyle
Gold 4×100 m freestyle
Gold 4×200 m freestyle
Gold 4×100 m medley
2015 Kazan
Gold 4×200 m freestyle
Gold 4×100 m mixed freestyle
Silver 200 m backstroke
Bronze 200 m freestyle
Bronze 4×100 m freestyle