Test batsman ṭha ber Kohli

India cricket team captain Virat Kohli chu ICC Test ranking thar berah batting ranking-ah point 934 hauhin pakhatna a ni a, New Zealand batsman Kane Williamson chu Kohli hnuai chiahah a awm.

Kohli hian Australia nen Perth-a test match an khelh ṭumin first innings-ah run 123 a siam a, he century hian India chakpui zo lo mah se pakhatna dinhmun sawhngheh nan a ṭangkai thung. India captain hian New Zealand captain Williamson-a nena an inthlauhna chu point sarih aṭangin point 19 ah a kai chho.

Hetihlai hian India batsman ten an ngam loh Australian bowler Nathan Lyon chuan point 766 hmuin pasarihnaah a kai chho a, test ranking-a a thlen san ber ṭum a ni. Lyon hian India nen second test an khelh ṭum hian first innings-ah wicket nga a la a, second test-ah wicket thum a la leh bawk a, run 146 zeta hnehna an chan kawngah a ṭangkai hle.

ICC Test batting rankings
# Hming Pts
1 Virat Kohli (Ind) 934
2 Kane Williamson (NZ) 915
3 Steve Smith (Aus) 892
4 Cheteshwar Pujara (Ind) 816
5 Joe Root (Eng) 807
6 David Warner (Aus) 787
7 Dimuth Karunaratne (SL) 752
8 Dean Elgar (SA) 724
9 Azhar Ali (Pak) 708
10 Henry Nicholls (NZ) 708

ICC Test bowling rankings
# Hming Pts
1 Kagiso Rabada (SA) 882
2 James Anderson (Eng) 874
3 Vernon Philander (SA) 826
4 Mohammad Abbas (Pak) 821
5 Ravindra Jadeja (Ind) 796
6 Ravi Ashwin (Ind) 778
7 Nathan Lyon (Aus) 766
8 Pat Cummins (Aus) 761
9 Josh Hazlewood (Aus) 758
10 Yasir Shah (Pak) 757