Marin nen ṭhian kan ni - Sindhu

Indian badminton pla­yer ṭha PV Sindhu chuan court chhunga a elpui langsar tak mai Carolina Marin nen ṭhian ṭha tak an nih thu a sawi chhuak.

Rio Olympic-ah khan player pahnihte hian gold medal an inchuh a, Indian shuttler zawk hi a chak lo. World Championship-ah intawng lehin Sindhu bawk a chak lo zawkah a ṭang nawn.

Kum 23 mi Sindhu chuan, "Marin nen hian kan inkhel hnem tawh a, a pumpuiah ṭum nga ka chak laiin vawi sarih a chak zawk thung. Court chhungah chuan player inel tak kan ni a, a pawn lamah erawh ṭhian ṭha kan ni," tiin a sawi.

Player pahnihte hi Pre­mier Badminton League-ah an inlan dawn a, badminton inelna zinga sum fai tamna ber PBL hi Inrinni aṭanga khelh ṭan a ni ang.