Tyson-a nau Tommy inlan dawn

World heavyweight champion hlui Tyson Fury-a nau Tommy Fury chuan Inrinni khian Manchester Arena-ah a professional fight hmasa ber a hmachhawn dawn a, a inpeih tawh thu a sawi.

Kum 19 mi boxer chuan, "Pressure a na dawn tih hi chu ka hre lawk vek a ni. Mahse, tu tan mah inhnek ka hmachhawn dawn lo a, keima tana fight bei turin ka lokal a ni," a ti a, a u hming langsar tak chu buai nan hman a tum lo.

Ricky Hatton hnuaia training Fury hian vawi 12 amateur fight a hmachhawn tawh a, a hmaa ding tur Andrejevs hi kum 37 mi niin vawi 115 fight a hmachhawn tawhah vawi 102 a tlawm tawh!

Tommy Fury chuan, "Naupang te ka nih laiin pressure ka nei tawh a, gym-a lokalin 'Tommy Fury a nih saw' tiin min sawi ṭhin. Tyson hi ka fighter hmuh tawh zinga ṭha ber a nih avangin a hnathawh zahve ang tal hi ka thawh theih chuan ka lawm khawp ang," tiin a u a dah sang hle.