A vawi kua nan Marquez a chak
MotoGP world champion Marc Marquez chuan a nomawi humhim tawh mah se a la duhtawk mai lo, Pathianni khan Malaysian Grand Prix-ah hnehna changin tun season chhunga vawi kua a chakna chiah a ni.
Thla hmasa khan Marquez hi Japan-ah a champion tih a chiang tawh a, tun ṭumah hian pole aṭanga bul ṭan turin tling mah se a chetdan mawi lo vanga hrem a ni a, a hmasa ber aṭangin bul a ṭan lo.
Sepang tlankawngah Valentino Rossi chu hnehna chang ngei tura ngaih a ni hman, mahse lap li chauh tlan tur a awm tawh tihah Italian rider hi a chesual a, a hnunga awm Marquez tan kawng a hawn sak ta a ni.
Kum 25 mi Marquez chuan, "Hnehna chan hi champion lawm nana ṭha ber a ni. Ka hma a awm Valentino hi tlan pel tumin ka theihtawp chu ka chhuah ngei a, chutih rualin a chesual tih ka hmuh kha chuan rilru a hnual duh hle," tiin a sawi.
Malaysia-ah hian inelna an neih hmain champion tur chiang tawh mah se Marquez lawmpuitu leh bike intlansiak ngainatu mi 104,000 vel zet an pungkhawm a, Honda chuan a zawna season li chhung team champion an nihna an lawm nghal bawk.
Malaysian Grand Prix Results
# Rider Ram Team
1 Marc Marquez Spa Honda
2 Alex Rins Spa Suzuki
3 Johann Zarco Fra Yamaha
4 Maverick Vinales Spa Yamaha
5 Dani Pedrosa Spa Honda
6 Andrea Dovizioso Ita Ducati
7 Alvaro Bautista Spa Ducati
8 Jack Miller Aus Ducati
9 Danilo Petrucci Ita Ducati
10 Hafizh Syahrin Mal Yamaha
Rider Championship Table
# Rider Ram Team Points
1 Marc Marquez Spa Honda 321
2 Andrea Dovizioso Ita Ducati 220
3 Valentino Rossi Ita Yamaha 195
4 Maverick Vinales Spa Yamaha 193
5 Alex Rins Spa Suzuki 149
6 Johann Zarco Fra Yamaha 149
7 Cal Crutchlow GB Honda 148
8 Danilo Petrucci Ita Ducati 144
9 Andrea Iannone Ita Suzuki 113
10 Jorge Lorenzo Spa Ducati 130