Zanin aṭangin MFA Veteran Football League

MFA Veteran Committee buatsaih MFA Veteran Football League 2018-2019 chu zanin aṭangin Lammualah khelh a ni dawn a, team pali te an inlan vek ang.

Veteran League hi a bul ṭanna tur nih angin Aizawl khawpuiah bul ṭan phawt a ni ang. Aizawl hi area paliah ṭhen a ni a, chutah chuan team pakhat ṭheuh siam niin area tinah Convener awmin team tin ṭha takin an inpuahchah a ni.

Inelnaah hian team tinte hi vawi khat ṭheuh an inkhel kual chhuak ang a, a tawpah point hmu sang pahnihin final an khel ang.

Kum 40 chung lam (1978 leh a hma lama piang) inelna a ni a, inkhelh chhungin khelmualah kum 50 chin chung lam (1968 leh a hma lama piang) mi pahnih tal an awm reng tur a ni ang.

Venue - Lammual
Round 1 - November 6, Thawhlehni
6:00 PM East vs South
7:30 PM North vs West
Round 2 - November 10, Inrinni
1:00 PM East vs West
2:30 PM North vs South
Round 3 - November 13, Thawhlehni
4:45 PM West vs South
November 14, Nilaini
4:45 PM North vs East
Final - November 19, Thawhtanni