Lianzuala goal a tawk lo

Delhi Dynamos tan Lallianzuala Chhangte chuan goal khungin assist vawi khat nei mah se point thum hlawhchhuah nan erawh a tawk zo lo a, Jamshedpur FC nen 2-2 in an inhnehtawk.

Sergio Cidoncha chuan Jamshedpur tan minute 39-naah goal hmahruai a khung a, Lunglei tlangval Lallianzuala'n hei hi a sut. Minute 58-naah Lianzuala hian Adria Carmona khung tur a siamsak zui a, an chak mai dawn niin a lang.

Mahse, Jamshedpur tan Tiri chuan minute 72-naah an si phurh a sut a, team pahnih hi point insemin an ṭin. Delhi tan hian Lianzuala bakah Daniel Lalhlimpuia chuan inkhel bul a ṭan bawk.

Zanin dar 7:30-ah Pune City chuan Chennaiyin FC an mikhual dawn a, beisei phak lo team pahnih tan insiamṭhatna remchang a ni.