Korea hmachhawn tur China

Pathianni tlai dar 4:30 hian AFC Women's Asian Cup final khelh a ni dawn. Champion lai Japan hnehtu China leh semifinal hmasa zawka hnehna chang South Korea ten a thiam ber nih an inchuh dawn.

Ningani zan khan semifinal hmuhnawm takah China leh Japan te an inkhel tawk hle, hun pangngaiah 1-1 a nih hnuin extra time khelh zawhah pawh 2-2 a ni. Penalty shootout-ah China hian 4-3 a hnehna changin final an lut.

Japan tan striker hriam tam Riko Ueki chuan an ram hi ṭum hnih hma a hruai pui a, mahse China lamain Chengshu Wu leh Wang Shanshan hmanga an sut ve ve; Japan hian an tlarhnung phui lo an tuar.

Semifinal hmasa zawkah South Korea chuan Philippines chu 2-0 in an lo hneh ve tawh bawk. Asian Cup-a semifinal lut chin team pali te hi 2023 World Cup atan an tling nghal vek, inelna lian hi Australia leh New Zeland ten an inthlen ṭawm dawn a ni.