Ka ṭhiante vangin ka buai lo ang - Upamecano

Bundesliga champion Bayern Munich-in zanin dar 11:00 hian RB Leipzig an mikhual dawn. Bavarians hian Leipzig hi an manager Julian Nagelsmann bakah player pawimawh Dayot Upamecano leh captain Marcel Sabitzer te an chhuhsak.

Bayern defender Upamecano chuan, "Inkhelh laia ka rilru put hmang chu a ngai reng. Inkhelh banah erawh ka teammate hluite ka bia ang. Ka ṭhiante hmuh hun ka nghakhlel a, ka buai phah dawn lo, hneh ngei ka duh," tiin a sawi.

Bavarians hian point 49 hmuin league hmahruaitu an ni a, February 6, Pathianni zan dar 8:00-ah anmahni hnaihtu pahnihna Borussia Dortmund leh pathumna Bayer Leverkusen te an inkhel dawn. Nagelsmann leh a hote tan tunkar tawp hi an dinhmun siamṭhatna hun remchang a ni.