West Brom-in Steve Bruce an la

Championship club West Brom chuan Newcastle United manager hlui Steve Bruce chu thla 18 atan contract an ziahpui a, kum 61 mi English manager hian Valerien Ismael a thlak ang.

French manager, kum 46 mi Ismael hnuaia an match hnuhnung pasarihah Baggies hian vawi khat chiah chak an nei a, chutichung chuan Championship match 29 aṭanga point 45 hmuin paruknaah an awm.

Steve Bruce chuan, "Club sulhnu nei lian tak ka enkawl tur hi ka lawm. Ka club hriatchian sa an ni a, chona thar hmachhawn turin ka inpeih. Manager hna chawlh leh hmain chawlh phawt ka duh a, mahse West Brom sawmna chu ka hnar thei lo a ni. Tum pakhat ka nei a, ka tum chu Premier League thlenpui a ni," tiin a sawi.

West Brom hian kar liam ta khan Milwall 2-0 in an hneh lo a, Bruce-a hnuaia an match hmasa berah Ferbuary 9, Nilaini zanah Sheffield United an hmachhawn ang.