Suns an tlawm ta

A zawna match 11 zet chak tluang tawh Phoenix Suns chuan ngam loh an tawng ta. Nimin zing NBA regular season inkhelah Suns hi Atlanta Hawks lakah 124-111 in an tlawm a, an chak record kaltluang lai a tawp.

Hawks tan Trae Young-a'n point 43 zet a nei a, basket neih tuma vawi 25 a shot zinga 16 zet a hlawhtling, an chak theihna hnar pawimawh a ni. Suns lamah Devin Booker (32 points) leh Mikal Bridgas (24) te khel ṭha mah se an chak nan a tawk lo.

Suns hian Western Conference-ah hma an hruai zel. Mahse, anmahni hnaih bertu Golden State Warriors chuan Sacramento Kings 126-114 in an hneh ve thung a, team pahnih inthlauhna chu match khata chak hnem chiah a ni.

Inkhel dangah Los Angeles Lakers tan Anthony Davis-a'n point 30 nei mah se, an khingpui Los Angeles Clippers lakah 111-110 in an chak lo. Miami Heat, Minnesota Timberwolves leh Toronto Raptors te erawhin hnehna an chang thung.

NBA - Nimin Results
Miami Heat 112 - 95 San Antonio Spurs
Minnesota Timberwolves 128 - 117 Detroit Pistons
Chicago Bulls 120 - 127 Toronto Raptors
Phoenix Suns 115 - 124 Atlanta Hawks
Sacramento Kings 114 - 126 Golden State Warriors
Los Angeles Lakers 110 - 111 Los Angeles Clippers