Mumbai leh Bagan an inhnehtawk

Indian Super League top four inchuh boruak pawh a 'hot' zel a, Mumbai City leh ATK Mohun Bagan-ten top four-a awmna chance an neih bawhpelhin 1-1 in an inhnehtawk.

Kolkata club tan David Williams chuan minute kuana lekah goal hmahruai a khung a, mahse, Bipin Singh-a cross aṭanga ball kal chu Bagan defender Pritam Kotal chuan minute 24-naah an lamah a tauh lut ve leh - hun tawp thlenga goal dang lut loin team pahnih an inhnehtawk.

Chennaiyin aṭanga Mumbai pantu Lallianzuala Chhangte chuan team training la zawm rei tawk lo mah se minute 60-naah luhtir a ni a, Lunglei forward hian Igor Angulo tan siamsak mah se Athletic Bilbao striker hlui hian keeper zawnah tak bak a tauh thei lo - Mumbai tan Lalengmawia Ralte chuan minute 90 a khel tluan bawk.

February 3, Ningani Zan
Mumbai City 1 - 1 ATK Mohun Bagan
MUM: David Williams 9'
ATM: Pritam Kotal 24' (OG)

Zanin Inkhel Tur
Bengaluru FC 7:30 PM Jamshedpur FC

February 6, Pathianni Zan
Chennaiyin FC 7:30 PM Mumbai City FC