Chelsea mikhual tur Plymouth

Zanin dar 6:00 hian FA Cup fourth round-ah Chelsea-in League One club Plymouth Argyle an mikhual dawn. Blues tan hna harsa tur awmin a lang lo.

Chelsea manager Thomas Tuchel hian London club-ah sulhnu ṭha tak a nei a, kar liam ta January 26 kha kum khat a enkawlna cham chauh a ni.

German manager hnuaiah hian Blues-in match 67 khelin vawi 43 an chak a, vawi 15 inhnehtawkin chak loh vawi kua a nei.

Chelsea hian Champions League, FA Cup leh League Cup-ah final an lut tawh a, UCL leh UEFA Super Cup nomawi a chawi.

European champion an nih avangin Tuchel leh a hoten FA Cup zawh hian Club World Cup an khel dawn a, chumi zawh chuan Crystal Palace, Lille (UCL last 16), Leicester City leh Liverpool (League Cup) final an khel chho dawn. Blues fixtures a hautak chho dawn hle.