Ranji Trophy khelh theih dawn

India rama cricket thuneitu sang Board of Control for Cricket in India (BCCI) chuan Ranji Trophy chu hripui leng kara khelh turin ruahmanna a siam. State hrang hrang inelna sangah hian Mizoram pawh an tel ang.

Inelna hi February 10 aṭanga ṭan tur a ni, chutih rualin match erawh February 17 aṭanga khelh a ni ang. Inelna hmun an thlen hnuah khung hran hmasak an ni dawn, chumi hnuah training an nei leh phawt dawn a ni.

Tournament hi hlawm hniha khelh a ni dawn. Group match bik hi chu March 15-ah zawh tur a ni dawn, knock out stage chin erawh Indian Premier League zawh hnuah khelh a ni thung ang.

Khawpui hrang hrangah khelh a ni dawn a, Mizoram awmna plate group chuan Kolkata-ah inelna an hmachhawn dawn a ni.

Plate group-ah hian - Mizoram, Arnachal Pradesh, Bihar, Manipur, Nagaland leh Sikkim te an awm.