Ropui takin Clippers an tho chhuak
Point 35 zeta an hnufual hnuah Los Angeles Clippers chuan huaisen takin an bei let a, a tawpah chuan Washington Wizards lakah 116-115 in hnehna an chang - NBA inkhelah comeback ropui an sawi apiangin a tel ve tawh ang.
Kum 1996 November 27 daih tawh khan Utah Jazz chuan point 36 zeta an hniam hnuah Denver Nuggets an lehthal thei, hei hi NBA huang chhunga point inthlauh ber hnua inlehthal lehna chiang ber a ni.
Sacramento Kings chuan Chicago Bulls chu point 35-a an phak loh hnuah an hneh leh tawh bawk, hei chu kum 2009 December 21-a thil thleng a ni. Inlehthalna nasa pahnihna hi tun ṭuma Clippers leh Wizards hian an nih rual chiah.
Clippers chak danah vanneih leh thiam thil a tel. Second 11.2 chauh a awm tawh tihah pawh Wizards lamin 115-109 in hma an la hruai. Mahse, Luke Kennard-a'n 3-points a nei a, an inthlahna a tih tlem hnuah 3-points bawk neih belhin an nih rual ta mai.
3-point hnuhnung zawk a neih dawn hian Bradley Beal chu Kennard lakah a foul a, hamrik hnuhnung ber a rik hmain point khat a neih belh leh theih phah. Hun tawp hma second 1.9 lek awmah point li a nei tihna a ni! A team a chakpui bawk.
Inkhel dangah Golden State Warriors chuan Dallas Mavericks lakah 130-92 in hnehna an chang a, tun hnaiah a zawnin vawi thum an chak tluang ve leh ta. Mahse, Western Conference lama an elpui Phoenix Suns chu a zawna vawi riat an chak mek avangin um phak theih an ni lo.
Team ṭha Suns hian Utah Jazz 105-97 in an hneh a, an hma a awm apiang an hneh zel. Inkhel dangah Brooklyn Nets chu Denver Nuggets lakah 124-118 in an tlawm thung.
NBA - Nimin Results
Milwaukee Bucks 99 - 115 Cleveland Cavaliers
New York Knicks 96 - 110 Miami Heat
Charlotte Hornets 158 - 126 Indiana Pacers
Denver Nuggets 124 - 118 Brooklyn Nets
Los Angeles Clippers 111 - 102 Orlando Magic
Toronto Raptors 105 - 111 Chicago Bulls
Sacramento Kings 104 - 121 Atalanta Hawks
Memphis Grizzlies 118 - 110 San Antonio Spurs
Phoenix Suns 105 - 97 Utah Jazz
Dallas Mavericks 132 - 112 Portland Trail Blazers