CAM-in training buatsaih

Board of Control for Cricket in India hnuaia inelna ngaihhlut Ranji Trophy khel thei tur zinga telh an nih hnuah Cricket Association of Mizoram in hmalakna an kalpui chhunzawm zel a, nimin khan online scoring chungchangah training an buatsaih.

CAM office, Kulikawna training neihah hian BCCI thawhpui Cricheroes co-founder Meet Shah chuan training a pe a, CAM tan player-te statistics leh bio data vawn ṭhat chungchangah hna a awlsam sawt a rinawm.

Training hi CAM Media leh Statistics Committee hnuaia scorer leh umpire te chuan an chhim a ni.