Serena-i pawisa an chawitir

US Open hmeichhe singles khelh zawh takah Serena Williams-i'n dan a bawhchhiat vangin hrem a ni a, umpire lakah nasa takin nungchang mawi lo a chhuah, heng thil thleng vang hian American nula hi £13,100 (Rs 12,25,485) chawi tir a ni. A pawisa chawi hi pahnihna a nih vanga a lawmman dawn tur aṭanga lak sak a ni.

Kum 36 mi Serena hi a coach nen inbia a puh a nih vangin warning pek phawt a ni a, a hnuah racquet a vuak chhiat vangin point paih sak niin; hetah hian a la tawp mai lo, ṭawngkam mawi lo taka umpire a an khum vangin game paih sak leh a ni. Grand Slam vawi 23 champion tawh hi Japanese player Naomi Osaka lakah a chak lo chhunzawm bawk.

Hmeichhe final endiktu umpire Carlos Ramos khan Serena a hrem chungchangah tennis dan ang thlapin thil a kalpui a, tihsual a nei lo. Mahse, Serena ṭantu lam chuan thil thleng kha mipa pawhin an tih fo a ni a, hmeichhe thil tih a nih vanga hremna hmang chhuak hma angin an sawi thung.