Ka lo let thuai dawn - Zidane

Manchester United nena an sawi zawm mek Zinedine Zidane chuan coaching hna thawh leh thuai a tum thu a sawi.

Kum 46 mi French manager hian Real Madrid chu kum hnih leh a chanve chhungin Champions League-ah vawi thum a champion pui a, season liam ta tawp rualin manager hna hi a chawlhsan lailawk.

Zinedine Zidane chuan, "Coaching hi ka chhunzawm leh thuai ka ring. Nuam ka ti a, ka nun leh football hi a inzawm tlat a ni," tiin a sawi.

French manager hian Real Madrid manager ni turin Rafael Benitez chu kum 2016 khan a thlak a, Champions League nomawi pathum bakah FIFA Club World Cup leh UEFA Super Cup nomawi vawi hnih ve ve, La Liga leh Supercopa de Espana a champion pui bawk.

United leh Jose Mourinho inkar a chhiat khan Zidane a hming hi a ri ṭan a, club thuneitute lamin media thuthang thehdarh hi an pha thung.