Hiddink-a'n China U21 enkawl dawn

Chinese Football Association chuan 2020 Olympics-a football team enkawl turin Dutch coach Guus Hiddink an lakluh thu an puang.

Dutch manager hna hmasa tur chu 2018 AFC U-23 Championship kaltlang a, China U21 team Olympic khel tura hruai thlen a ni.

CFA hian coach langsar tak tak an chah lut a, tuna China national team enkawltu hi Marcello Lippi an ni a. Chinese Super League-ah Luiz Felipe Scolari, Fabio Capello, Manuel Pellegrini leh Andre Villas Boas ten hun an hmang vek tawh a, an hlawhtling vek lo.

Kum 71 mi Hiddink hian Netherlands leh South Korea te chu kum 1998 leh 2002 khan FIFA World Cup-ah semifinal an hruai thleng ve ve a. Heng bakah hian ram leh club-ah sulhnu ṭha tak a nei a, China U21 a enkawl hma hian English club Chelsea chu a enkawl hnuhnun ber a ni. Hemi ṭum hian Jose Mourinho hnuaiah Blues hi 16-naa a ni a, Dutch manager hian December aṭanga enkawl ṭanin parukna a nih pui thei a ni.