Aubameyang dinhmun a ṭha

Pierre-Emerick Auba­meyang chu a lung dinhmun endik a ni a, tunah chuan natna a nei tawh lo. Arsenal striker hian training pangngai a zawm leh thei tawh tihna a ni a, coach Mikel Arteta-a'n a duh a nih chuan a chhawr thei dawn hnai tawh.

Aubameyang hi thu a awih loh avangin Gunners captain a nihna hlihsak a ni tawh. North London club tan a inlan loh deuh reng hnuah an ram Gabon tan koh a ni a, mahse Afica Cup of Nations khel tura an kohna lamah hripui a kai.

Hri leng a kai avang hian a inkhel thei lo a, a lung a chian loh avangin ram tan match khel miah loin London lamah a kir leh. London khawpui a thlen hnuah a hriselna dinhmun endik niin, tunah chuan a dam leh tawh a ni.

Kum 32 mi Auba chuan, "London-ah ka hriselna endik turin ka kir leh a, ka lung chu buaina awm loin a ṭha. Harsatna ka tawh chhungin min thlawptu tam tak an awm, an chungah lawmthu ka sawi," a ti.

Auba hian December thlaa captain nihna a hloh hnuah Arsenal tan match a la khel leh lo.