Argentina-in Messi an hahdamtir dawn

Argentina chuan Chile leh Colombia an hmachhawn tur atan squad an puang a, captain Lionel Messi an telh lo. Paris Saint Germain star Messi hi an rama thlasik chawlh a hmannaah Covid-19 a kai a, kuminah club tan a inlan lo.

Messi hian team trai­ning a zawm leh vek tawh a, January 23, Pathianni zana PSG-in Reims an mikhual hunah pawh a inlan theih a beiseiawm. Argentine forward hian Ligue 1-ah match 11 chiah a la khel a, goal khat chiah a la khung avangin club tan a insawrbing rih thei ang.

Argentina hi kumin kum tawpa Qatar-a neih tur World Cup khel turin an tling tawh a, coach Lionel Scaloni-a'n Messi hamdamtir mah se player ṭha dang erawh a khelhtir dawn. La Albiceleste hian January 28-ah Chile an hmachhawn ang a, February 2-ah Colombia an mikhual leh ang.

Ligue 1
Zanin Inkhel Tur
Brest 09:30 PM Lille
Lens 01:30 AM Marseille
January 23, Pathianni
Metz 05:30 PM Nice
Angers 07:30 PM Troyes
Bordeaux 07:30 PM Strasbourg
Clermont 07:30 PM Rennes
Nantes 07:30 PM Lorient
Montpellier 09:35 PM Monaco
PSG 01:15 AM Reims