Milan hmaa ding tur Juventus

Champion tur chuan tem ṭha leh mahni elpui hneh a ngai ṭhin - AC Milan chuan Serie A champion nih an duh chuan Juventus hneh a pawimawh dawn.

Italian club lian pahnih hi Pathianni zan dar 1:15 hian San Siro-ah an intawng dawn.

Milan hi season bul an ṭan fuh avanga fak hlawh an ni a, mahse tun hnaiah erawh chetsual zauh zauh an ching. Juventus erawh manager thar Massimiliano Allegri enkawlna hnuaia beisei la phak lo insiamṭha mek an ni thung.

Stefano Pioli enkawl Milan hian an match hnuhnung berah Spezia 2-1 in an hneh loh, an chak danah thutlukna siam sual a awm. League hmahrauitu nih theihna remchang an bawhpelh phah a, zaninah chuan sawisel tur awm loa chak an tum dawn.

Pioli chuan, "Kan mualah ngei point thum ruksak kan ni kha a pawi, chutih rualin lungngai taka awm rengin awmzia a nei lo, chuvangin khelh hmabak atan rilru zawng zawng kan pek a ngai tawh zawk.

"Season hman hmabak kan la ngah, chuvangin hmalam kan thlir tlat tur a ni ang. Match hnuhnunga kan chak lohna khan kan rilruah a ṭha zawnga nghawng a neih ngei kan beisei," tiin a sawi a, a naute chu team lian hneh turin a ringtawk hle bawk a ni.

Serie A bika Juventus chak loh hnuhnung ber chu nikum November thla a Atalanta an ngam loh daih tawh kha a ni. A sang pali zinga tel beiseina pawh a sang leh tawh, an chunga awm an phak lohna chu point khat chauh a ni leh tawh.

Juventus forward Paulo Dybala chuan, "Tuna kan dinhmunah hian kan lung a awi lo, a aia sang zel thlen kan tum tur a ni," tiin a sawi a, pahnihna ni lai Milan an hneh thei a nih ngat chuan inrintawkna an neih belhchhah ang.

Serie A

Zanin Inkhel Tur

Genoa 07:30 PM Udinese

Inter Milan 10:30 PM Venezia

Lazio 01:15 AM Atalanta

January 23, Pathianni

Cagliari 05:00 PM Fiorentina

Napoli 07:30 PM Salernitana

Spezia 07:30 PM Sampdoria

Torino 07:30 PM Sassuolo

Empoli 10:30 PM Roma

AC Milan 01:15 AM Juventus