Asian Championship-ah Jeho-a

Asian Junior and Cadet Table Championships 2018 chu August 13-18 chhung hian Wunna Theikdi Indoor Stadium, Nay Pyi Taw, Myanmar-ah khelh a ni dawn a, India aiawh player 14 feh chhuak zingah Mizo naupang Jeho Himnakulhpuingheta a tel a, ani hi Junior (U-15) huangah a khel ang.

India number 1 Jeho-a chuan, "Asian Championship chu a huphurh awm ve khawp mai, player an ṭha hlawm hle ang tih a hriat theih. Theihtawp ka chhuah dawn a, min ṭawngṭai pui turin Mizo mipui ka sawm," tiin Vanglaini a hrilh.

Ramchhung leh India tana medal tam tak vaw chhuak tawhtu Jeho-a hian thla hmasa mai khan 2018 Jordan Junior & Cadet Open khelh zawh takah India tan team leh doubles huangah bronze a dawng bawk a ni.