Maubawk-in final an thleng

LG Independence Cup Women's Football-ah Govt. Maubawk High School chuan Inrinni zan khan Lammualah Govt Aizawl College barakhaihin hun pangngaiah 1-1 a ni a, penalty shootout-ah 3-0 in an hneh. Final-ah Maubawk hian ITI 1-4 a hnehtu Pachhunga University College nen August 15 hian final an khel ang.

Semifinal hnuhnung zawkah Govt. Aizawl College-in Lalhlupuii freekick hmangin minute 56-naah hma an hruai a, Maubawk High School tan Lalbiakdiki'n minute 68-naah a sut. Biakdiki hian group stage-ah goal hnih a khung a, Hrangbana College leh New Horizon School an hneh theihna a ni a, tun inelnaa a goal thum khung tawh a la pawimawh vek.

Penalty shootout hmangin final khel tur an zawng a, Maubawk High School tana pet hmasa pathumin khung vekin GAC-in an pet goal ve lo.