New Zealand-in Pakistan pan duh lo

Pakistan-a zin turin New Zea­land cricket team chu sawm ni mah se player-te sahimna an ngaih­tuah avangin Pakistan sawm­na hi an pawm duh lo.

Black Caps leh Pakistan hian October-ah series khel turin an inbe fel tawh a, United Arab Emirates-a an home match khel ṭhin Pakistan hian Twenty20 chu an ram chhunga khelh an duh.

Mahse, New Zealand chuan he sawmna hi hnarin, "Tun dinhmunah chuan Pakistan pan hi a him loin kan ngai a ni," tiin New Zealand Cricket chairman Greg Barclay chuan a sawi.

Kum 2009 khan Pakistan-a tour neia zin Sri Lanka cricket team chuan beih an tawk a, hemi hnu hian Pakistan hian an home match tam zawk chu UAE-ah an khel a ni.