Australian Open khel tur Nadal

Rafael Nadal chuan Zirtawpni khan Melbourne khawpui a thlen thu a sawi - January 17 atanga khelh tur Australian Open-ah a inlan ang.

Kum 35 mi Nadal chuan, "Hetah hian ka awm e," tiin Melbourne Park-a tennis court chhunga a thlalak chu Twitter lamah a tarlang a ni.

December thla tir lam khan Abu Dhabi-ah Nadal hian exhibition match a khel a, an ram Spain lama a kir hnuah hripui a kai. Tunah chuan hri lakah a fihlim leh tawh a, inkhel turin a inpeih leh tawh.

Tennis season khat chhunga Grand Slam hmasa ber Australian Open khel tur hian hripui laka invenna lak a ngai, a la lo tan chuan inelna neih hma ni 14-ah Melbourne Park thlen hman a ngai.

World number 1 leh champion lai ni bawk Novak Djokovic chu vaccine la duh lo zinga mi a ni a, hard court inelna lianah a inlan thei dawn em tih a chiang rih lo.