Mizo tamna Odisha an tlawm

Odisha tan Jerry Mawi-hmingthanga, Lalruatthara leh Isak Vanlalruatfela ten inkhel bul ṭan mah se Kerala Blasters lakah an team an chakpui zo lo a, 2-1 in an tlawm - tun season-a Blasters chak hmasak ber a ni.

Team pahnih inkhelah goal a lut lawk lo a, Blasters tan Alvaro Vazquez chuan minute 62-na lekah goal hmahruai a rawn khung.

Odisha-in an chhanlet ve hmain Prasanth Karuthadathkuni chuan minute 85-naah a rawn khung ve leh a, hun a tlem tawh avangin chak tur a chiang tawhah ngaih a ni.

Mahse, beidawng duh lo Odisha tan Nikhil Raj chuan hun pek belh minute linaah a khung ve leh a, a team tana beiseina siam tur erawh chuan a tlai deuh tawh.

Odisha tan Isaac Vanmal-sawma'n Isak-a rawn thlak mah se danglamna a thlen thei lo a, Jerry-a thlaktu Daniel Lalhlimpuia'n goal a keng tel bik lo.

Kerala lamah Mizo awmchhun K. Lalṭhathanga'n (Puitea) inkhel bul a ṭan a, Bethlehem Vengthlang tlangval hian match li an khelhah match thum a inlan tawh.

December 5, Pathianni Zan
Kerala Blasters 2 - 1 Odisha FC
KEB: Alvaro Vazquez 62'; Prasanth Karuthadathkuni 85'
ODI: Nikhil Raj 90+4'

Zanin Inkhel Tur
East Bengal 7:30 PM FC Goa