Cuadrado-a'n corner a chhuih lut

Juventus midfielder Juan Cuadrado-a'n Genoa lakah corner a chhuih lut a, hun tawp dawnah Paulo Dybala chuan khung bawkin Turin club hi an mikhual lakah 2-0 in hnehna an chanpui.

Juve hian hliam vangin Federico Chiesa, Weston McKennie, Danilo, Mattia De Sciglio leh Aaron Ramsey te an chhawr thei lo a, an ṭhat dan berin an khel chhuak thei lo, mahse point thum an hmu thei hi lawmna tur a ni ang.

Massimiliano Allegri naute hian point 27 hmuin Serie A table-ah pangana dinhmun an luah a, season kal laia an tawn san lai tak a ni. Chak lo Genoa erawh tla hniam thei dinhmunah an ding.

Andriy Shevchenko-a'n a enkawl chinah Genoa hian match li khel tawhin goal an la khung miah lo, point 10 chauh an la neih avangin inhamtang tur chuan insiamṭhat an mamawh hle.