Badminton thiam ber Axelsen

BWF World Tour Finals khelh zawh takah Viktor Axelsen a champion. Badminton mipa world number 1 hian gold medal la turin Kunlavut Vitidsarn a hneh.

Pathianni zana final inkhelah Olympic champion lai hian minute 43 chhungin 21-12, 21-8 in hnehna a chang. Game hnih an inkhelh chhungin Axelsen a chungnung hle a, chetsual leh hnufual a nei lo.

Kum 27 mi Axelsen chuan, "A ṭha ber ka ni bik lo, player ṭha tak tak kal khawm zinga vannei ber erawh ka ni. Tournament a nih tawh hi chuan ka theihna zawng zawng bakah tlem ka belh ṭhin," tiin a sawi.

Hmeichhe singles final-ah India nula PV Sindhu a lut. Mahse, Olympic medal vawi hnih dawng tawh Sindhu hi An Se-young lakah minute 39 chhungin 21-16, 21-12 in a chak lo a ni.

Champion-te
Men's singles Viktor Axelsen
Women's singles An Se-young
Men's doubles Takuro Hoki
Yugo Kobayashi
Women's doubles Kim So-yeong
Kong Hee-yong
Mixed doubles Dechapol Puavaranukroh
Sapsiree Taerattanachai