MBBA Inter District Tourney an ṭan

Mizoram Basketball Association Inter District Tournament 2021 chu nimin aṭang khan Chanmari Hall, Lungleiah khelh ṭan a ni.

Inter District Tournament-ah hian district pathum Aizawl, Lunglei leh Serchhip te aṭangin team an tel. Aizawl District aṭangin Ramhlun Sporting Club (RSC), Basketball Club Bethlehem(BCB) leh LB Associates Bungkawn te an tel a, Lunglei District aṭangin team thum Daze Star, Chanmari leh Net Rippers te an tel bakah Serchhip District aṭangin Serchhip team ang tawpin an tel bawk.

Team pasarih hi group hnihah ṭhen an ni a, Pool A-ah LB Associates, Chanmari leh Net Rippers te an awm a; Pool B-ah Daze Star, BC Bethlehem, Ramhlun Sporting Club leh Serchhip te an awm thung.

Nimin Inkhel Results
Chanmari 59 - 73 Net Ripperz
Daze Star 92 - 76 Serchhip

Vawiin Inkhel Tur
Ramhlun SC 11:00 AM Daze Star
Serchhip 1:30 PM BC Bethlehem
Net Ripperz 3:00 PM LB Associates