Formula 1 tlan hun sawn hma
Formula 1 season hman lai pawh a la zo lo a, heti chung hian season thar atan ruahmanna a kal thui leh tawh hle. Season thar bul ṭan nana an hman ṭhin Australian Grand Prix chu March 15-17 chhungin an tlan dawn a, ṭum dang aiin chawlhkar khatin a hma zawk dawn tihna a ni.
Season tharah chuan F1 hi March thla kar hnuhnung berah an tlan ṭan ṭhin, Australian GP an sawn hma tak avangin season laihawla intlansiak tam leh bichilh lutuk ṭhin chu a ziaawm deuh theih beisei a ni bawk.
Kum dang ang bawkin season tharah hian intlansiak 21 awm leh tura ngaih a ni. German Grand Prix chu tun season tawp rualin an contract a tawp dawn a, inbiakna thar a awm tawh lo - an hmun ruakah Miami an awm thung ang.
Japanese Grand Prix pawh tun season tawp rualin an contract a tawp ve dawn a, mahse Suzuka track hi Honda ta niin, an kawppui Red Bull nen an chhunzawm dawn a ni.