Mi harsa tan Jeje che chhuak

India leh Chennaiyin striker Jeje Lalpekhlua chuan coronavirus vanga harsatna tawktute puih nan cheng nuai khat a thawh. 

Hnahthial tlangval hian mi harsate pui turin Mizo mipui a sawm a, JJ12 Charity Fund  siamin online hmanga pawisa thawhna a siam tel bawk. Jeje chuan, "Kan ram a him theih nan bang lo a, kan ṭawngṭai a pawimawh hle. Covid-19 vanga harsatna tawkte tana kan theihna zawn ṭheuhah kan chet chhuah hi a pawimawh hle," tiin Vanglaini a hrilh.

Covid-19 laka kan him theih nan Jeje chuan, "He hun kan tawn mekah hian thuneitute leh mithiamte thupek zawm i la, kan ram kan hnam dam nan pawn chhuak loin mahni in lum aṭangin kan theih ang tawkin kan inven ṭheuh pawimawh hle. Thuawih taka kan awm chuan keini leh kan veng te damna tur a ni," tiin mipuite hnenah ngenna a siam.

JJ12 Charity Fund-a pawisa thawh duh tan

Account No    -    20132758748

Account Holder    -    Vanlalhmangaihzuali

Branch    -    SBI Aizawl Main Branch

IFSC    -    SBIN0001539

Phone No    -    9819079102