Man City defender Ake inhliam

Amsterdam Arena-ah Nilaini zan khan Netherlands leh Spain 1-1 in an inhnehtawk. Manchester City defender Nathan Ake chu inhliam vangin minute rukna lekah lakchhuah a ni.

Mikhual La Roja-in goal an khung hmasa a, minute 18-naah Álvaro Morata ball pass ṭha tak chu Sergio Canales-a'n ṭha zetin a khung.

Second half minute 47-naah Manchester United midfielder Donny Van de Beek-a'n Netherlands siphurh sutna goal a volley lut a, goal dang a luh belh lo.

Dutch defender Nathan Ake chu inhliam vangin Daley Blind-a'n minute rukna lekah a thlak. Manchester City-in pound maktaduai 40 zet senga an lakluh hi English club tan Premier League match rukah a inlan tawh.

Pep Guardiola-a'n tun hnaiah Premier League-in substitution panga an hman theih loh avangin player inhliam an tam thu a sawi a, defender Ake-a ram tana a inkhelhnaah a inhliam leh tak avangin a thinurna belhchhahin a awm ang.