Vietnam GP awm dawn lo

Formula 1 chuan season tharah intlansiak 23 ngawt buatsaih an tum a, mahse kumina an neih theih loh Vietnam Grand Prix chu telh a ni dawn lo - Saudi Arabia ramah erawh inelna neih ngei an tum thung.

Car intlansiakna sang ber 2021 season calendar thar tihchhuah chhinah Vietnam hi telh a ni lo, a chhan erawh tarlan a ni lo. November 28 hian Saudi Grand Prix chu a vawi khat nan neih tur a ni dawn.

Season kal laiah inelna 22 neih tura ruahman a ni a, neih kim theih a ni dawn lo. Nakkumah hian inelna 23 a awm a nih chuan season khat chhunga intlansiak a tam ber ṭum a ni ang.