Bengaluru-in Jamshedpur mikhual dawn

Indian Super League-ah zanin dar 7:30 hian Bengaluru FC chuan Jamshedpur an mikhual dawn a, club pahnih hi playoff khelh beisei ve ve an nih avangin inkhel boruak a 

sang ang. 

Bengaluru hi club ṭha FC Goa laka 2-1 a chak hlim team an ni a, captain Sunil Chhetri a chet ṭhat bawk avangin an phur vanglai tak a ni. Jamshedpur erawh an match hnuhnung pangaah an chak zo tawh lo a, vawi thum an khingpui inhnehtawkpuiin vawi hnih an tlawm - insiamṭhat an mamawh hle. 

Bengaluru hian Mizo player Edmund Lalrindika leh Sairuatkima kawl mah se an kum a la nau deuh avangin Bangalore club-ah hmun pawimawh an la chang phak lo. Jamdshedpur-ah Isaac Vanmalsawma chu Mizo awmchhun a ni a, Hnahthial tlangval erawh JFC tan player pawimawh tling phakin match sarih a khel tawh a ni.