Match hmasa berah Praneeth chak lo

Badminton world championships bronze medalist B Sai Praneeth chuan tun season a match hmasa a tan Malaysia Masters badminton tourna-ment a khel a, hneh nei loin a zinkawng a tawp nghal.

Nimin Kuala Lumpur-a inkhelah Praneeth hi Rasmus Gemke lakah 11-21 15-21 in a chak lo, Denmark tlangval hian a tir aṭanga a tawp thlengin inkhel a thunun - Indian player tan thawh chhuahna hun a siamsak lo.

Inkhel dangah mipa doubles pair Satwiksairaj Rankireddy leh Chirag Shetty te chu a khingpui hneh loin an tla ve nghal bawk a, world number 1 Kento Momota leh Parupalli Kashyap te inkhel erawh result kan hre hman lo a ni.