La Liga player of the month Suarez

Barcelona forward Luis Suarez chu December thlaa La Liga player ṭha berah thlan a ni a, kum liam ta thla tawp berah khan Uruguayan striker hian match ruk khelin goal thum a khung a, assist vawi ruk a nei a ni. 

Zanin dar 12:30-ah hian Barcelona hian Spanish Super Cup semifinal pahnihna an khel dawn a, league lama an hmelma ni bawk Atletico Madrid nen final luh an inchuh dawn. Barcelona hian hliam vangin first choice goalkeeper Marc-Andre ter Stegen chu an chhawr thei dawn lo a, a bak player inhliam langsar an awm lo. 

Catalan club manager Ernesto Valverde chuan player naupang a chhawr ṭhan Inaki Pena, Carles Perez leh Ansu Fati bakah Riqui Puig, Alex Collado, Ronald Araujo leh Arnau Tenas te chu Saudi Arabia-a inkhel turin a hruai tel. 

Barca hmachhawn tur Atletico Madrid hian hliam vangin Diego Costa an chhawr thei dawn lo a, Alvaro Morata leh Joao Felix  an la neih tho avangin an mangang lo ang.