Swansea-ah Brewster a lut

Liverpool striker Rhian Brewster chuan season tawp thleng loan-a khel turin Swansea City a zawm a, Championship club-a an striker khelh tur thu hi Reds chuan Thawhlehni zan khan 

an puang.

 

Swansea hian loan-a an hawh mek an striker Sam Surridge chu Bournemouth-in an koh kir avangin an chhawr chhunzawm thei lo a, match 23-a khelha goal sarih khungsaktu Surridge thlaktu turin Brewster hi an duh a ni. 

Kum 19 mi Brewster hi tuna Swansea boss Steve Cooper nen hian an inhre ṭha hle. Kum 2017 FIFA under 17 World Cup-a England U17 an champion ṭum khan Brewster hi top scorer (8 goals) a ni a, khatihlaia coach kha Steve Cooper hi niin a player hlui hi enkawl leh ngei a duh. 

Liverpool academy chhuak Brewster hian Reds tan league-ah hmel a la lan lo a, cup match thum erawh a khel ve tawh a ni.