Sharapova tan Australian Open wildcard

Grand Slam vawi nga champion tawh Maria Sharapoba chu nimin khan Australian Open wildcard pek a nih thu puan a ni a, January 20 aṭanga khelh tur inelna lianah hian qualifier khelh ngai loin a inlan 

thei ang.

Kum 32 mi Sharapova hi season hmasa khan hliam vangin a buai, a inkhleh tam tawk loh avangin world ranking lamah pawh 147-na dinhmun a luah phak hram. Tun season bul ṭan nan Brisbane International-ah inlan mah se a match hmasa berah a chak 

lo nghal.

A ranking thlir chuan Sharapova tan qualifier khelh a ngai dawn. Mahse, kum 2008-a a champion tawhna hmunah hian duhsak a hlawh a, inelna buatsaihtu lamin an duhsak leh a phu bikte tana an pek ṭhin wildcard an chantir ve pawh hi thil mak a ni lo.

Russian nula Shara-pova chuan, "Ka chet ranna leh thahrui tam tak ka hloh tih chu a chiang, tun hma lama ka tih theih ang tam tak kha ka ti thei tlat lo. Mahse beiseina nung ka nei a, inbuatsaihna hun la awmah hian a 

ṭha thei ang bera ka ti a nih chuan tournament hlawhtling tak ka khelh theih ka beisei," a ti.