Spurs lakah Bucks an tlawm

NBA regular season kal laia team hmuhnawm ber pakhat Milwaukee Bucks chu San Antonio Spurs lakah an chak lo a, tun hnaia match li chhung chak ni hmel hmu tawh lo Philadelphia 76ers erawhin hnehna an chang ve leh ta.

Thawhlehni inkhelah San Antonio an khel ṭha rual hle, 3-points vawi 19 ngawt nei theiin 126-104 in an chak. Point 25 neitu DeMar DeRozan bakah Patty Mills (21 points) te chu hnehna an chan theih nana tha thawhhlawk an ni.

NBA Most Valuable Player ni lai Giannis Antetokounmpo-a'n point 24 a neih bakah rebounds vawi 12 lain double-double nei mah se a team chak nan a tawk zo lo. Chak lo mah se Eastern Conference hmahruaitu erawh an nih chhunzawm zel.

Inkhel dangah 76ers chuan Oklahoma City Thunder 120-113 in an hneh a, Ben Simmons (17 points and 15 rebounds), Josh Richardson (23 points) bakah Joel Embiid (18 points) te an khel ṭha rual hle.