AFC khingpui tur Trau an chak

Nimin tlai I League inkhel dangah Trau chuan Neroca 2-1 in an hneh. Manipur Derby inkhel nung ṭha takah hian Neroca-in Boubacar Siaka Diarra hmangin minute kuana lekah khung mah se Trau-in Ngangbam Singh (41') leh Khungdongbam Singh (64') te goal hmangin an lehthal.

Trau leh Neroca hian match ruk aṭangin point nga ve ve an hmu a, an hnuaiah hian match nga ṭanga point nga hmu Indian Arrows chiah an awm. I League club thar Trau hian January 25 hian Aizawl FC an mikhual dawn. Mizo club hian Khuman Lampak Main Stadium-ah Neroca an hneh tawh loh avangin Trau lakah pawh an fimkhur a ṭul ang.