Maradona pualin Maradona Cup

Diego Maradona pualin Barcelona leh Boca Juniors ten friendly match an khel dawn a, a hming atan 'Maradona Cup' tih a ni ang. December 14 hian Mrsool Park, Riyadh, Saudi Arabia-ah match hi khelh a ni ang.

Argentina legend Maradona hian Boca tan ṭum hnih a khel a, Spanish club Barcelona tan hian Copa del Rey, Copa de la Liga leh Supercopa de Espana te a chawipui bawk - club pahnih in a puala match an khel tur hi a inhmeh hle.

Barcelona chuan thuchhuah siamin, "FC Barcelona leh Club Atletico Boca Juniors chuan December 14 hian 'Maradona Cup' kan khel dawn, he inkhel hi Diego Maradona thih cham hmasa ber pual a ni ang," tiin an sawi.

Kum 1986 World Cup champion Maradona hian a hun hnuhnung lamah harsatna hrang hrang a tawk, nikum November thla khan lungphuchawl vangin a thi a, player danglam bik a nih avangin uitu a ngah hle.