Bangalore-ah Mizo swimmer pathum

Glenmark 47th Junior National Aquatic Championship 2021 chu October 19-23 chhung khan Bangalore-ah neih a ni a, Aquatics Association of Mizoram (AAM) aiawhin swimmer pathum an tel.

Swimmer pathumte hi Saron Swimming Club aṭangin Isaac Zothansanga bakah The Blue Trident aṭangin Phoebe Rohluzuali leh K. Lalremthanga te an ni a, lawmman an la pha lo.

Inelnaah hian India hmarchhak aṭangin Mizoram bakah Assam, Manipur leh Meghalaya te an tel. Mizoram aiawhte hi coach Albert Malsawmkima leh AAM general secretary Sangṭhuama Hlondo ten an hruai a ni.