Man City hmaah Brighton

Manchester City chuan zanin dar 10:00 hian Amex Stadium-ah Brighton & Hove Albion an tlawh dawn. Premier League champion hian Champions League-ah Club Brugge 5-1 in an sawp zo chiah a, Seagulls tan point hlawhchhuah a harsa ang.

Chutihrualin Amex Stadium-a an inhmachhawn hnuhnung berah Brighton hi 3-2 in an chak a, Graham Potter hote hian season ṭha tak an hmang mek bawk.

Premier League-ah Brighton hi tlarhnung phui ṭha zinga mi an ni a, match riatah goal nga chauh an la chhuah. Seagulls hian point 15 hmuin palinaah awm hial mah se 'bix six' tia an chhiar club zingah Arsenal chauh an la hmachhawn.

Man City erawh team ṭha bik an ni a, Pep Guardiola-a'n a player ṭha neihte a rem thiam avangin khelh dan nghet an nei a, Club Brugge an hneh ṭum pawhin an thiamzia an pholang. Pep-a'n Ferran Torres leh Benjamin Mendy te tih loh chu a chhawr thei vek a, Brighton lakah point thum an hmuh a rinawm hle.